Controllas da segirezza en l'ambient productiv dad AGOV
Controllas da segirezza en l'ambient productiv dad AGOV
Cun in program da bug bounty e cun in penetration testing vegni controllà, sch’i existan largias da segirezza tar AGOV. Ina procedura da login sto esser fitg segira. Ils aspects da segirezza pertutgan la software dad AGOV, la plattafurma operativa, incl. las bancas da datas, e la colliaziun cun la rait. Perquai èsi necessari da far tests da segirezza cumplessivs, il meglier directamain en il sistem productiv. La Chanzlia federala svizra ha incumbensà l’Uffizi federal da l'armament armasuisse da far in penetration testing. Ils spezialists d’armasuisse testeschan transacziuns betg autorisadas sin AGOV. Els disponan d’enconuschientschas detagliadas fin al code da funtauna. AGOV vegn er examinà tras in program da bug bounty che va sur l’Uffizi federal da la cybersegirezza. Per quest intent vegnan engaschads hackers etics che simuleschan attatgas, senza disponer d’ina savida detagliada. Ils hackers etics vegnan indemnisads per mintga punct debel ch’els annunzian (uschenumnads bounties). Ils puncts debels chattads che n’èn betg critics, vegnan eliminads entaifer paucs dis, quels critics entaifer in di.
![Blog Maletg da simbol per las autoritads Infrastructura: edifizi da l'administraziun, Data-Center, tecnica da rassas.](https://prod-agovch-hcms-sdweb.imgix.net/2024/04/05/587f7bf3-c4ac-42a3-bc38-963c26800451.png?auto=format)