Introducziun da la restauraziun extendida d’accounts
Dapi intginas emnas è disponibla ina opziun extendida per la restauraziun d’accounts AGOV. Ella è destinada a persunas utilisadras e utilisaders che n’han pli access a lur meds d’annunzia usitads. Las emprimas experientschas mussan che la gronda part dals pertutgads po restaurar l’account autonomamain cun il self-service e cuntinuar da duvrar AGOV sco adina. Grazia a mecanissems supplementars da segirezza, la restauraziun extendida d’accounts porscha in aut nivel da protecziun cunter abus.
